化身騎呢偵探 馬明香香味覺破奇案

民以食為天，不過美食當前也要吃得小心，事關隨時禍從口入，分分鐘連命都冇！馬國明、岑麗香、黃翠如及阮兆祥在新劇《為食神探》中，組成不一樣的偵探團，專門調查與美食有關的奇案，四人各有所長，不過同樣為食，實行邊食邊查案！

劇中，四位主角騎呢得來又各具特色：花弗廚師馬明、失憶記者妹香香、女車神翠如及「金舌頭」祥仔，他們先後加入江欣燕創辦的偵探社。監製梁材遠說：「今次想用瘋狂搞笑嘅形式演繹，所以搵祥仔帶住三位靚仔、靚女，因為祥仔搞笑得來好高智慧，同馬明好有『難兄難弟』感覺，而馬明演繹好抵死；香香進步得好快，再癲啲都仲得！」翠如與祥仔更發展一段「美女與野獸」式戀情，配搭新鮮有驚喜。

翠如祥仔笑功一流

四位主角在劇中運用飲食智慧查案，好笑之餘亦學到不少知識。梁材遠說：「每件案都同食物有關，好似黑心食材、唔同食物之間嘅化學作用及有關食物敏感等等，我哋參考咗好多外國個案，亦有真實偵探社專家畀咗唔少意見。」除了主角夠癲，其他演員亦有破格演出，「例如楊明同樂瞳都好落力去演，樂瞳更犧牲形象扮醜女。」

撰文：李潔盈

編輯：林梓添

設計：Simon