主動傾新歌 黃偉文爆超儀冇事

黃偉文（Wyman）前晚出席時裝專門店開幕派對，他表示最希望為日本設計師山本耀司行騷，笑言成為最老入行、在國際天橋上出現的最肥模特兒，隨時打入健力士紀錄。

黃偉文向來對時裝配襯甚有心得，他直認崇拜山本耀司，並表示：「好想在有生之年，為佢行一次時裝騷。如果女仔畀人問價通常唔開心，但被自己仰慕嘅大師問價，感覺好開心。我當時話唔收錢都得，酒店、機票可以自己畀，不過對方未有回覆。」

提到陳子聰目前仍留院，問他可有探望子聰？Wyman說：「冇探呀，我唔識安慰人，唔知應該講啲咩。子聰係養病中，向好方面發展。」他又自爆子聰太太何超儀近日找他傾填詞，笑言如果有事也不會傾公事，所以大家可以放心。

此外，好友何韻詩將於10月開騷，Wyman透露阿詩將會有新歌，由他幫手填詞。他又說已經很久沒見阿詩：「我哋相識十幾廿年，早幾日才第一次單獨食飯。佢轉型後，再合作有好大感觸。」

撰文：Pauline

編輯：陳禮恒

設計：nc

攝影：林良明