王祖藍否認換樓趕造人

王祖藍近年密密返內地賺「人仔」，早前已經豪擲幾千萬購入大埔獨立屋，最近又有傳他再斥巨資買磚頭，不過祖藍解釋只是換樓，還要補少少差價，但就否認搬大屋為迎接新成員做準備。

王祖藍和老婆李亞男昨日帶領一班來自元岡幼稚園的小朋友暢遊迪士尼樂園。小朋友相當可愛，適逢近日午間時段重播《老表，你好Hea！》，祖藍就被不停追問劇情，令他哭笑不得。他們說小朋友很可愛，又忍不住抱起其中兩個小朋友影相。

一年斥資7,000萬置業

近年積極發展內地事業的祖藍，最近被發現再度置業，有人估計他一年內斥資逾7,000萬做業主，不過祖藍就澄清只是換樓，還說新居與之前住所的價錢差不多，只是補了少許差價而已。問到差價對他來說是否只是「散銀」，祖藍笑言：「傾盡全力呀！」至於換屋是否為添新成員做準備？兩人即異口同聲表示現階段還想過二人世界，又可以方便照顧媽媽，祖藍笑言：「其實係媽咪唔想我哋太早生B，佢驚有份湊呀。」

撰文：Pauline

編輯：林梓添

設計：梁政敏