張秀文拍拖想一擊即中

張秀文出席航空公司活動，獲大會贈送80萬積分以換取免費機票，她表示積分足夠請20人去旅行，她說：「我會請朋友去旅行，不過會叫佢哋請番我食飯。當然同屋企人就豪啲啦。」張秀文自言很喜歡一班人去旅行，認為去旅行不一定要二人世界，被追問是否與TVB經理人Victor拍拖？她重申：「否認咗啦，我單身。」

要是遇到有機會發展的異性，會否考慮與對方去旅行增進感情？她說：「我身邊又冇。不過遇到合眼緣嘅，最好一擊即中，（係咪唔喜歡曖昧感覺？）嗰下係刺激，但太長時間會好攰，以前試過有朋友以為我同個男仔一齊，不過個男仔無表示，之後有少少嬲咗佢。」

攝影：Lego