夏尉喻自爆同星爺互訴感情事

夏尉喻（Barbie）、唐貝詩及鄧洢玲等昨日出席電視台節目，提到有報道指Barbie拍完《美人魚》後，在內地出騷勁賺四萬元，她對此直認不諱，更希望工作長做長有。Barbie透露未來都會主力到內地發展，得到這麼多機會全靠周星馳給予機會，問可有與星爺聯絡？她說：「慶功宴後冇，但當晚就有傾偈，知道佢有新計劃。」她還自爆與星爺風花雪月：「一齊飲紅酒，又講下我感情狀況，佢都有講佢嘅感情觀，我明白佢感觸之處，但我唔可以用言語表達出嚟，好抱歉。」

鄧洢玲（阿旦）被問到在《G-1格鬥會》節目鬧出很多是非，她曾指鄧穎芝和黎美言（Winkie）好狼死：「呢個Moment，節目都出咗街，等觀眾判斷，我唔會憎一個人，因為會死好多細胞，而且又未去到深仇大恨。」講到她們隔空互罵，阿旦亦留意報道，但不會為此而放棄參與節目演出。