3場個唱大功告成 林峯完騷最想飲汽水

林峯在紅館舉行一連三場的《Heart Attack演唱會2016》前晚尾場，在Encore部分，他有感而發表示近年在音樂上沉澱過，很想在事業上有更多新突破，更多謝大家等了他幾年才再開騷。

林峯完騷後出席慶功宴，被問到網上流出他疑似撞傷頭部的片段，他重申並沒有受傷，當時的確是有一下急促降落鐵閘聲，不過之後繼續又唱又跳。林峯表示演唱會結束後，希望可以食得豐富些，因減磅期間只食兩、三種食物，反而開騷前可以食薯仔，他笑言目前最想飲汽水。問到會否Keep住身形？他說：「食嘢會放縱少少，但都會盡量食得健康啲。」

取消凌空表演感可惜

問到尾場何以沒有凌空吊起？林峯坦言感到可惜：「原本安排咗好多動作，但因為第一日有技術上嘅問題令到摩打燒咗，又搶修唔到，唔係想畀人睇到有幾危險同有幾難。其實都係個創舉嚟嘅，同山頂嘅朋友係最近距離接觸。」

此外，他又表示正考慮做巡迴演出，但因為開戲同劇都要去到年底，加上正在斟洽更大的項目，要是做巡唱就想將整個舞台搬到其他地方，可能要一年時間，身形都要Keep足一年。

撰文：Pauline

編輯：林梓添

設計：梁政敏