核心外圍變舞池 雷頌德：黎明騷普天同慶

雷頌德（Mark）與宣萱昨日錄影港台節目《好好過日子》，Mark身為黎明演唱會的音樂顧問，對於不少人都用「核心」形容場地，他趁機解釋核心價值。提到演唱會遇到不少阻滯，Mark大讚黎明處事聰明。

黎明近日在中環海濱開騷，成為全城焦點，雷頌德透露他有另一個職責，就是觀察外圍狀況。他獲悉晚晚有市民在場外聽歌兼野餐，又把碼頭當成舞池，令他十分感動。在核心外圍不用買飛，主辦單位豈不是蝕底？Mark認為：「做藝術普天同慶，畀錢近距離欣賞演唱會效果係一種享受，沒多餘錢而在旁邊都無所謂，依家啲人鍾意post同共享，今次問題令成件事更普天同慶，未必係壞事，正面思考，誠實面對。」

對於黎明處理事件獲外界高度讚揚，記者笑問Mark會否提議好拍檔轉做公關顧問？他說：「大家覺得佢好聰明，其實佢用好單純方法，簡單坦白面對，唔使咁多蹺。」

陪粉絲坐摩天輪

昨晚舉行第五場演出，取消多日的摩天輪環節亦終於登場，黎明約七時現身「核心」附近的摩天輪，與四名幸運女粉絲登上摩天輪遊一個圈。雖然下着滂沱大雨，但無礙大家的興奮心情，黎明見完Fans便立即趕返場內準備，昨晚亦有工作人員忙於處理帳篷積水。

撰文：Pauline

攝影（部份）：林良明

編輯：陳禮恒

設計：梁政敏