同縮骨朋友旅遊 保險小費唔肯畀

出門旅行買旅遊保險是常識吧。有網民指跟多位朋友到內地旅行，但有人為慳錢拒買保險，事主猶豫是否要私下替對方購買。有旅遊達人指，同遊使費要分明，曾有朋友因計算匯率差價而口同鼻拗，建議設公用基金，免因錢銀傷感情。

揀了錯的人去旅行，隨時未出發先谷氣。有網民在討論區吐苦水，指跟數位朋友到內地旅行五天，但有朋友屬勁慳一族，「佢係勁慳人士，唔肯買旅遊保險，我想私下幫佢買，我自己畀錢。但屋企人覺得旅途有事發生，佢應該自己承擔後果」。

長輩為慳$200 拒買旅保

大部分人批評事主的朋友縮骨，譏諷他「捨得畀錢去旅行，又唔捨得買保險」；亦有人指「佢自己都唔緊自己條命」，認為事主毋須大費周章代朋友買保險。亦有人指既然同行，萬一對方發生意外，事主也難逃照顧朋友的責任，毋須計較一、兩百元。

80後黃小姐曾跟男友的親友去韓國，其中有長輩為慳200元而沒有買旅遊保險，出發前大家為此鬧不快。「佢話次次去旅行都唔使（買）喎，男友曾建議用公家錢幫佢買，佢堅持唔使，幸好最後無意外發生。」她又曾跟大學的同學去泰國，惟有人常借故不肯付小費，令她既尷尬又氣憤。「當地導遊及酒店服務員通常都要畀20、30蚊小費，朋友常扮唔知，最後要我同另一位輪流畀！」

可設共用基金 減錢銀爭拗

旅遊資訊網站「又飛啦！flyagain.la」網主周錦基指，跟朋友去旅行，如未有使費共識，易引起爭拗。「試過有朋友去旅行幫同行友人簽帳單，隔了一個月先找數，但匯率有變，大家就計算哪個匯率而口同鼻拗！」周認為跟朋友去旅行，宜建立共用基金，「一齊食用的便用公數，避免因錢銀傷感情」。

香港遊樂場協會資深社工溫立文說，購買旅遊保險是個人選擇，如對方認為無需要，即使代他購買也未必領情。「一起旅行是考驗朋友交情的時間，曾有人因找了不適合旅伴，玩甚麼、吃甚麼也吵一餐，回港後更從此不相往來。」他建議出發前應討論行程、使費預算等，行程設自由時間，讓興趣不同的人各取所需。