王宗堯自資開劇帶挈同業

男神王宗堯（Greg）除了演出新戲《導火新聞線》，最近亦成為廣告商寵兒，短短六個月已拍了四個廣告。在新鮮出爐的洗面膏產品廣告中，他要半裸上擂台打拳。Greg表示：「今次拍番一個有型啲嘅廣告，不過我唔係拳手身形，又要打又要靚仔更加難，好彩有廣告商樂意搵我拍廣告。」

Greg又笑言自己賺的廣告錢，搵得嚟便使得去，「我會好任性地攞呢啲錢，同埋其他工作酬勞，去做自己想做嘅計劃，想籌備電視劇及一個騷，最緊要大家一齊有飯食、有工開就最開心。」