新歡舊愛撞到正 王宗堯冇尷尬

王宗堯近日宣布與蔡潔蜜運，意味着與舊愛黎紀君的戀情已告一段落。偏偏前晚《導火新聞線》首映禮上，王宗堯的新歡、舊愛竟同場出現，令到氣氛一度尷尬，不過男方就話與舊愛再見亦是朋友。

電影《導火新聞線》前晚在銅鑼灣舉行首映禮，焦點依然落在男主角王宗堯身上，事關在他身邊出現的兩位女性：現任女友蔡潔和舊愛黎紀君（Christy）竟同場現身。

王宗堯被問到他與前女友再見面會否覺得尷尬？宗堯表示：「唔怕唔怕，依家大家都叫做同公司，以後一定好多機會見面，同埋我都講過，大家係和平分手，唔係反晒面咁，可以保持到朋友關係，好似以往DaDa（陳靜）咁，都會成日傾偈，工作上嘅嘢大家都可以傾，其實都幾交心。」

蔡潔扯開話題

至於與現任女友蔡潔的關係，他就形容發展得不錯，問到會否禁止女友拍咀戲？宗堯稱明白大家只是做好本份。其後蔡潔與宗堯影合照也尷尷尬尬，問到她倘若日後男友與舊愛Christy合作會否介意？她說會互相尊重對方的工作，現時的拍拖生活是否很sweet？她故意扯開話題：「好熱呀！（之後都可以公開拖手？）大家見到咁就係咁啦。（會唔會公開合照？）有靚相都可以。」

此外，同場出現的還有剛與胡定欣分手的音樂人陳明道，不過他並沒有接受訪問，便匆匆趕入場避過傳媒追訪。

採訪：Pauline

攝影：林良明

編輯：林梓添

設計：Herbert