林海峰恭喜阿葛囝囝學業有成

林海峰（Jan）昨晚與台灣女星林熙蕾到中環出席Fresh 25周年傳「愛」支票遞交儀式，對於好友葛民輝21歲囝囝Jabez曝光，Jan坦言：「由細睇到佢大，恭喜佢畢業，好高興見到朋友個仔學業有成，葛太有好大成就，但唔關阿葛事！」Jan的兩名女兒亦已亭亭玉立，更常成為媒體目標，問到兩家人可會對親家？Jan表示：「我冇諗過同佢（阿葛）合作咁長時間，呢啲係緣份，不過我兩個女唔識佢囝囝，報道出咗就識。」

至於林熙蕾原定一家四口出席活動，但兩名女兒抵港後扭計及不舒服，最後她一人現身，她透露留港三、四天，計劃帶女兒到迪士尼遊玩。剛出席完林心如台灣歸寧宴的她，對於好姊妹盛傳有喜，她開心表示：「會準備禮物送給她。」

攝影：Lego