杜Sir岳少隔空舌戰

以50萬成本拍攝的電影《十年》奪得《金像獎》最佳電影，業界連日來都出現不少支持和反對聲音。林建岳曾表示《十年》得獎是政治綁架了專業，而杜琪峯導演則支持年輕導演，鼓勵創作自由。

任賢齊（小齊）、陳小春、林家棟及監製杜琪峯前晚出席《樹大招風》慈善首映禮。提到《十年》勇奪最佳電影引起業界非議，連甚少出席金像獎的杜Sir亦覺得今次要開腔，「我好推崇一啲年輕導演，好似《樹大招風》都係。一部電影嘅成功，可以引起大家嘅關注。」

提到林建岳批評《十年》得獎，杜Sir直言：「即使林建岳係我咁好嘅老闆，我都要講，因為呢個係電影嘅自尊。如果咁樣，即係侮辱我哋啫，我唔去唔代表我唔投票㗎。」昨日，林老闆發聲明回應：「首先好多謝阿杜讚我係佢嘅好老闆，我都覺得佢係一個好好嘅導演。不過就佢嘅講法，我覺得：打個比喻，好似我投資餐廳，道菜好唔好味，係唔係單只由嗰廚去評價呢？據知，最專業嘅香港電影評論學會，在最佳電影選咗《踏血尋梅》，導演會選咗《智取威虎山》。所以，我都唔知阿杜想講乜嘢。」

小齊拍追逐戲叫苦連天

任賢齊在《樹大招風》與林家棟、陳小春分別飾演三大賊王，小齊表示有連場追逐戰，形容有如跑馬拉松般，笑言拍戲多年好耐未試過不停跑。家棟自言只是收取象徵式片酬，他認為支持新導演及觀眾喜歡才是最重要。

撰文：Pauline

編輯：陳禮恒

設計：梁政敏