與惹火佳麗拍外景 Eric Kwok驚老婆爆血管

Eric Kwok（郭偉亮）、火火與20位候選佳麗昨日出席ViuTV《美選D.n.A》活動，Eric Kwok早前以評判身份，與一眾佳麗往芭堤雅拍外景，他笑說：「睇到佳麗爾虞我詐嘅一面，睇到我眼凸凸。」

昨日一眾佳麗穿上白色恤衫出場，然後除衫大曬黑色喱士睡衣，相當性感。Eric Kwok透露拍攝期間難免與佳麗有身體接觸，問他會否對佳麗心動？他即說：「梗係冇！不過我都驚太太（葉佩雯）唔鍾意，仲愁緊節目出街嗰陣，一齊睇點算，所以我依家會主動煮飯、洗碗，怕老婆睇完爆血管！」

11號羅伊婷迷戀方力申

另一評判方力申雖然昨日沒到場，但原來11號佳麗羅伊婷是小方超級粉絲，她開心指與小方拍完外景後成為朋友，「我同小方講以後識女仔要畀我過目，因為唔想佢『雜食』！（會否乘虛而入？）唔會，因為我已經有男朋友。」至於風頭躉2號陳意嵐，則大爆拍外景時有佳麗鬧交鬧到停機：「佢哋成日鬧交，令我好驚訝，我都有做中間人勸交。」

撰文：李潔盈

編輯：林梓添

設計：梁政敏