少年造車？

「原來而家啲小朋友報暑期活動，已經唔只係我哋以前咁，學吓游水、畫畫咁簡單！」Shirley在座位對着電腦說。

「點解咁講啊？」阿美問。

「我同班親戚嘅WhatsApp群組不斷彈出訊息，佢哋交流緊幫啲仔仔囡囡報乜暑期活動！原來我一個喺廣州定居嘅表弟，佢個仔讀廣州博萃德學校（Benenden Bilingual School Guangzhou, BBSG），呢間學校係英國百年 名校Beneden School同廣州合辦嘅，個表侄仔舊年參加咗一個為期3日嘅夏令營，去佛山嘅一個德國車廠，喺車廠工程師嘅指導下，一班少年一齊落手落腳，成功組裝咗一部開得郁嘅車！你話幾巴閉！」

「我表弟話個仔去完呢個夏令營，返到屋企開心到不斷分享所見所聞，搞到佢個妹不知幾恨參加，終於等到新一年嘅報名期，表弟要即刻幫個女報名！」Shirley繼續講。

「哇！我記得以前阿囡最多都係去吓烏溪沙、大潭宿營，玩吓啲簡單嘅團體遊戲，估唔到而家嘅夏令營已經進展到體驗造車！」阿美說。

「無錯！我其他有仔囡嘅親戚，都聽到心郁郁！表弟話呢間廣州博萃德學校仲有同創學元合作推出『暑期大師系列』夏令營，有辯論、表演藝術、體育運動等8個主題，由專業導師團隊帶領，結合世界級設施，發掘小朋友嘅潛能！」Shirley回應。

「又真係幾吸引喎！重點係北上參加夏令營，可以俾啲小朋友體驗喺內地嘅寄宿生活，拓寬眼界，話唔定第時會決定北上升學！」阿美真有遠見！

（本欄逢星期一、四刊登）