咁都得？

幾位同事圍坐在辦公室的餐桌旁，討論著近期的熱門話題 — 啟德體育園的開幕儀式。

「啟德體育園嘅開幕儀式竟然冇直播！真係莫明其妙！」阿美大大聲說，手裡的三文治幾乎掉了出來。

「呢幾日報紙專欄都講咗好多！咁嘅安排實在太奇怪！」Amy說。

Shirley 立即停筷加咀：
「點可以唔俾全港人即時睇到？尤其之前大事宣傳呢個體育園。」

Amy點頭表示贊同：「而且啟德體育園嘅設施對於提升香港體育水平意義極大，又可以吸引國際賽事嚟香港，政府唔係應該等更多人第一時間睇到咩？」

「或者政府擔心直播期間會有啲意外。」

阿美搖頭嘆息：「咁做只會令大家更加好奇，反而引起更多猜測同質疑。」

Shirley說：「開幕儀式如果能直播，讓市民都參與其中，無疑能增強大家嘅認同感同自豪感。」

「其實直播有乜嘢好擔心啫。」阿美說：「TVB喺1967年開台做歡樂今宵已經直播啦，隔咗幾十年反而倒退！」

幾位同事平時總是有不同意見，不過今天意外地意見一致，都覺得直播利多於弊。

透明的資訊是良好管治的象徵。這場沒有直播的開幕儀式，或許的確有其理由，可是處理的方法及提出的理由，均不成立而成笑話，難免引起市民反感。

（本欄逢星期一、四刊登）