經一病，長一智

寧吃過頭飯，莫說過頭話。新年流流，真的不能亂講說話。前幾期專欄，我還炫耀自己四年無發過燒，笑稱小病是福，點知病到今日還未完全康復。雖然沒有引致大病，但每朝早和晚上都咳嗽，咳到肺到痛，聲音更沙啞到講唔到說話。

「經一病，長一智」！我呢種咳喇無痰，唇焦乾是因為虛火，這是人體內津液耗損，津液不足，就會生出火來，人亦容易生出病。我食西藥之際，更飲一些湯水輔助。家中有一些羅漢果，不要浪費，今次煲西洋菜湯時，加入一個羅漢果一齊煲，即時feel到條氣順滑哂。真係好舒緩。平時我沒病的時候，真的不大喜歡食用羅漢果，有點兒嫌它的味道甜，所以有人送我羅漢果，我不吃，家中才有存貨。

羅漢果是能清潤肺臟及大腸的藥物。又能治百日咳，痰火核（淋巴腺發炎），但其實它性質比較甘涼，所以身體虛寒，小孩脾虛，老人寒底，怕冷都不適宜飲羅漢果湯。但如果你性質正常，我睇到靚女何超蓮都推介羅漢果粟米水，有利尿、祛濕功效，清心潤肺的美容功效，最重要是做法簡單。1個羅漢果洗淨，切成4份再加3條粟米切塊。同放在鍋裡，加入2公升水煲60分鐘。我好鍾意食粟米，呢個食療好合我胃口！如果你想止埋咳，亦可以試埋我呢個食療：紫蘇10克，乾姜10克，北杏（打）10克，蔥白4條，白果10克，五味子10克，煲水，可以減少咳嗽。

這段期間，四周都聽到人咳。大家一定要好好加把勁令自己身體健康，百毒不侵。我好講意頭，所以我絕對不可以容許自己帶病跨年！所以我一定要快些身體健康！

（本欄逢星期四刊登）