4款Häagen-Dazs™日本限定雪糕直送香港 一試難忘

雪糕控留意喇，黛安聽公關姊妹講，4款日本直送人氣Häagen-Dazs™新品已登陸香港，例如春季限定嘅「士多啤梨白朱古力脆皮冰凍甜點三明治」，除咗含有士多啤梨果肉同果汁，仲有士多啤梨軟心醬拌勻喺士多啤梨雪糕中，香甜中帶點微酸，黛安就好鍾意；而期間限定嘅「濃厚朱古力軟心脆皮雪糕批」，則混入香濃焦糖軟心醬和香脆朱古力碎餅粒，口感豐富，令人一試難忘，而家喺便利店、超市及日資超市有售。

另外，仲有兩款喺日本海外獨家發售嘅「脆皮流心野莓呍呢嗱冰凍甜點迷你杯」和「脆皮流心朱古力抹茶冰凍甜點迷你杯」，雪糕上均裹上一層朱古力薄脆，口感十足，每一啖都感受到多種滋味嘅完美混合，即使喺香港都食到日本限定口味，4款新品各售$39，7-11優先發售。