維特健靈員工增3日旅行假 提升歸屬感

政府實施「0+3」檢疫措施後，唔少打工仔都想買機票外遊輕鬆下。黛安聽公關姊妹講，最近大型健康產品公司維特健靈宣布額外新增3日員工旅遊假，料有近千名員工受惠，真係好貼心啊。姊妹話，為提升員工嘅工作與生活平衡，維特健靈特別新增3日旅行假，以提升員工對公司嘅歸屬感，亦希望員工有更多機會抖抖氣。

維特健靈董事長陳曦齡博士同黛安分享，佢話公司係一間「以人為本」嘅企業，員工係重要資產。為實現真正嘅work-life balance，公司一直都推出唔同嘅員工福利，如生日假、入職周年假、進修假、買產品有員工折扣及推薦獎金等，未來亦會不斷檢討人力資源政策，制定更合適及可以令員工增加對公司歸屬感嘅方案，創造雙贏。