滙豐營商新動力」獎勵計劃報名 獎金最高$6萬

2022「滙豐營商新動力」獎勵計劃開始報名喇！黛安知道，滙豐一向好撑中小企，今次計劃亦延續可持續發展主題，目標係表揚「環境、社會及管治」（ESG）、同「聯合國可持續發展目標」（SDGs）方面，表現卓越嘅中小企，獲得金、銀、銅獎嘅公司，除咗可成為商界環保協會有限公司「協作機構」嘅會員，為期1年，仲有$1萬、$3萬或$6萬現金獎；下個月31日就截止喇。

公關姊妹仲話，參與嘅中小企，要喺2021年1月1日或之前已喺香港註冊營業，在港僱用規模要少過250人。今年計劃分「環境、社會及管治獎」，同「可持續發展目標獎」2大類別，後者以3項聯合國可持續發展目標做主題，參與嘅中小企提交申請時，必須包含夥伴合作關係作描述，以符合「目標17︰促進目標實現的夥伴關係」嘅要求。詳情可以【按此】睇睇。