7仔 × Sanrio卡通瓷碗+托盤 變新式全盒

鍾意Sanrio卡通人物要留意喇！黛安收到風，7-Eleven將帶嚟由16位Sanrio人氣角色為主題嘅「Sanrio characters拼拼陶瓷碗」，當中包括Hello Kitty、Kuromi、Little Twin Stars等，連同豐「竹」托盤喺本周三（12日）起可以換購喇。

陶瓷碗嘅前後會印上兩個唔同嘅Sanrio角色，包括8位人氣角色同佢嘅8位家人及朋友，如果將2個陶瓷碗疊起，仲可以拼湊成好友相聚嘅圖案，寓意新年與親友團團圓圓，開心相聚過新年！如果將賀年食品放入陶瓷碗，再放喺豐「竹」托盤，仲可以變成新式全盒㖭。

本周三起至2月22日，只要喺7-Eleven購物滿$20即可獲1個印花，儲夠10個印花加$78，可隨機換購「拼拼陶瓷碗」2個；任何消費加$88，仲可以換埋豐竹托盤。換購期至2月25日，數量有限，換完即止。