圓方新春購物賞 送利市封電子禮券

黛安收到風，ELEMENTS圓方正進行「新春多重消費購物賞」及「東亞銀行信用卡額外消費獎賞」活動，即日起至本月底，喺場內以指定電子貨幣消費滿$2,800，即可獲限定「繁花似錦」利市封套裝；消費滿$88,000更可享精裝版利市封套裝，及總值$18,800嘅圓方及商戶電子禮券，包括指定餐飲、服飾、美容及護理及珠寶等禮券！

此外，憑合資格嘅東亞銀行信用卡喺圓方指定商戶即日消費滿指定金額，除咗可以換領場內獎賞，更可享額外高達$1,500嘅圓方電子禮券。公關姊妹話，今年嘅「繁花似錦」利市封套裝設計用咗寓意喜慶、吉祥嘅喜鵲，同埋有「百花之王」美譽嘅牡丹做主題，祝願大家喺新一年吉祥如意、繁花似錦。