寵幸 × SANRIO 推13款寵物鮮食洗護用品

好多人當毛孩係仔女咁鍚，黛安都唔例外，公關姊妹話，毛孩養生品牌「寵幸」最近首次同SANRIO合作，以Hello Kitty同布甸狗為主題，推出13款期間限定產品，由寵物食品、營養產品到洗護用品都有，即日起至明年8月底，可以喺「幸活」門市同網店買到㗎。

新產品除咗有牛肉、雞肉、三文魚等唔同口味嘅貓狗鮮食包，亦有寵物營養素同3款首次推出嘅洗護用品「草本清爽乾洗噴霧」、「草本保濕乾洗慕絲」及「肉球保養修護霜」，全面照顧毛孩嘅需要。