俞琤母親節誦詩念亡母

每逢佳節倍思親，昨天（9號）母親節早上，收到前輩梁柏濤轉發了一段短片，由俞琤親自誦讀現代詩人Deborah Culver的一首詩《Your Mother Is Always With You》（你的母親與你常在），原文是英文，俞琤唸中文譯版（未知是否由用字精準的她親自繙譯）。向來侍母至孝的俞琤，在短片前言黑底白字寫道︰「（孝順父母唔使擇日子）因為被我的同學xx（隱去名字）的孝義感召，我為她剛離世的母親唸了一首詩，碰巧是母親節在這裏分享一下，也是給我自己偉大的母親的再次敬拜。」

短片開首打出「給所有人的母親二零二一年五月九日」字樣，然後逐句打出原文，全片俞琤沒出鏡，只是充滿感情的譯唸︰「當你走在街上時，佢係樹葉嘅竊竊私語；佢係你記得某些食物嘅氣味，你採摘嘅花朵，生活中嘅芬芳。當你感覺唔舒服嘅時候，你額頭上會有佢涼涼嘅撫慰；佢係你一個寒冷冬日呼出嘅一口氣，佢係令你可以安然入睡嘅雨聲淅瀝、雨後彩虹嘅顏色，佢係佳節良辰。你嘅母親活喺你嘅笑聲當中，佢係你嘅家鄉，亦都係你第一個家，佢係你邁出嘅每一步所遵從嘅地圖；佢係你嘅初戀，你嘅第一個朋友，甚至係你嘅第一個對頭人；但係地球上無任何嘢可以令你哋分開，盡管時日流逝…物換星移…盡管今日已經天人永隔。」短片結尾，有余琤先母的照片，寫上「永遠常在，俞吳明玉女士，我們敬愛的母親」。俞琤憑詩寄意念亡母。

（本欄逢周一、三、五刊登）