海港城Christmas Every Day 聖誕慈善熊傳遞善心正能量

每年海港城嘅聖誕裝置都係黛安必去嘅打卡點，今年海港城以Christmas Every Day為題，更設計慈善聖誕熊，希望透過普世歡騰嘅聖誕節為大家帶嚟歡樂同正能量。例如海運大廈大樓梯入口就會幻化成巨型幻彩聖誕熊仔玩具店，海運大廈正門、露天廣場部分大型裝置，則首度移師到海運觀點，打造成「聖誕燈飾花園」及「聖誕營火會」。

喺熊仔玩具店可以見到一隻3米高嘅聖誕熊，有毛毛禮物屋吊燈同多隻「不倒翁形」慈善熊包圍住。每隻慈善熊仲繡上祝願，好似Health、Love、Luck及Kindness等。今個月28日起，捐款$50就可以換領聖誕熊，為香港血癌基金籌款。另外捐款$20，更可以喺服飾繡上英文字母或數字㖭！

現場仲有唔少打卡位，包括海運觀點嘅「往芬蘭的登機閘口」，平台鋪滿幻彩四葉草、雪花燈球及LED燈海等，日落後更可欣賞每節10分鐘嘅音樂表演。咁多活動及靚景，大家唔會錯過啦！