喺機場起客運廊收租？ 限量版桌遊畀你過足大富翁癮

疫情期間大家減少外出，桌上遊戲就啱晒一家大細解悶。黛安收到風，機管局同經典桌上遊戲大富翁合作，推出特別版「香港國際機場版大富翁」，玩家彈指之間就可以游走於唔同機場地標，又可以起客運廊再收租，非常過癮！

呢副限量版大富翁有精緻手推行李車、登機閘口號碼柱、飛機引領員等遊戲棋子，棋盤上每個地段、公共和交通事業，都係機場設施、建築物和地標，次序經過精心編排，仲有意想不到嘅「機會」和「飛行里數」卡㖭，而且只喺香港獨家限定發售。

雖然大家暫時無得去旅行，但可以同三五知己一起挑戰呢個緊張刺激嘅遊戲，即日起可以【按此】瀏覽購買，$288包本地免費送貨，如果係會員仲9折啊，優惠期至11月30日。