「梳乎蛋」進駐置富Malls商場 精品布置抽獎陪過年

今年因為疫情關係，聖誕節大部分人都會留港消費，黛安又有好介紹，出名慢活嘅Gudetama（梳乎蛋）同埋佢班好朋友，已喺上星期六去到置富Malls旗下3間商場開party，仲會一路玩到明年1月6日，實行同大家「懶」住過年！

公關姊妹話，「梳乎蛋」同班朋友會分別去馬鞍山廣場、+WOO嘉湖同置富都會開party，仲會畀佢屋企嘅廚房同睡房大家睇同埋影相㖭。由今個星期六（21日）開始，只要喺置富Malls嘅指定商場消費滿指定金額，仲可以換走「梳乎蛋」嘅聖誕限定禮品「珪藻土吸水地墊」同「環保袋連立體造型匙扣」㖭。

另外，姊妹話只要喺呢兩個月嘅指定周末，去到指定商場以電子貨幣消費滿$200，就可以參加「即抽即中聖『蛋』賞」；下個月1日至27日更加有壓軸聖誕大抽獎，送出近3,000份禮品，總值近$20萬，有機會抽中512GB嘅iPhone 12 Pro做聖誕禮物㗎！黛安仲知道，聖誕老人由下個月12日開始，會喺周末同假期去勻咁多間置富Malls嘅商場，同大家一齊過節！活動咁豐富，黛安都打算約埋幾個好姊妹去打卡影靚相，同埋shopping掃貨呀。

置富Malls‧Gudetama 梳乎聖「蛋」派對

日期︰即日起至2021年1月6日

地點︰馬鞍山廣場、+WOO嘉湖、置富都會