亞洲萬里通聯乘餐廳酒店 唔旅行都有「里賞」生活

疫情下去唔到旅行，但留喺香港都可以有「里賞」生活，一樣咁精采㗎！黛安知道亞洲萬里通最新推出「伴里不停步」活動，同多間餐廳酒店合作，畀大家最具特色嘅餐飲同雞尾酒體驗，仲會同唔少頂尖調酒師及世界知名餐廳主廚合作，教大家自製雞尾酒同餐廳招牌菜！

今次同亞洲萬里通合作嘅餐廳酒店同調酒師，據黛安所知全部大有來頭呀！包括有香港麗思卡爾頓酒店Ozone調酒師Oscar Mena，佢會親授2款雞尾酒體驗；而Duck & Waffle總廚Daniel Doherty就會教授烹煮招牌菜。

唔單止咁，由即日起至7月31日，會員只需$168起即可品嘗由超過50間「賺里餐廳」呈獻嘅特選餐單，當中包括Espuma、Spiga、Plat du Jour、Grand Hyatt Steakhouse等；逢星期一每消費$1仲可賺1里數，其他日子亦可$2換1里，好抵啊！手機app最近仲新增訂座功能，每次成功訂座可賺25里數，食得多，賺得愈多！大家唔好錯過啦！