工作坊親手造禮物 「咕」住摯愛的心

今個星期五就係情人節，大家諗好點樣同愛侶過佳節未？黛安聽公關姊妹講，The ONE聯同皇室堡由即日至2月16日，特別推出咗「『咕』住您心心相『印』」工作坊，以及甜蜜禮遇雙重窩心驚喜。參加者可以喺咕𠱸打印自己「愛的宣言」、加上難忘紀念日同摯愛嘅名等，親手打造獨一無二咕𠱸，「咕」住摯愛。

另外，The ONE及皇室堡分別會送出人氣商戶Bear of Color + Pork Chop & Friends及Dazzling Café Garden100元美食現金券，等大家可以一邊談情一邊品嘗美食。

公關姊妹話，只需要以電子貨幣消費滿1,000元，就可獲「『咕』住您心心相『印』」工作坊換領券乙張，憑券喺指定時間可免費自製咕𠱸，名額得340個，每日數量有限，先到先得㗎。另外，如果消費滿1,500元，更可額外獲指定美食現金券乙張，名額200個，都係每日數量有限，換完即止。