籌善款支持環保 跑出「零碳排放」

全球暖化問題日趨嚴重，黛安收到風，由非牟利慈善機構環保促進會主辦嘅「着綠狂奔2020慈善長跑賽」，將會喺4月26日（星期日）喺沙田白石角海濱長廊舉行，籌到嘅善款將用作支持環保促進會嘅環保教育工作。今年大會更引入碳中和計劃，藉此抵銷與活動有關嘅溫室氣體排放，希望與跑手共同達成「零碳排放」嘅目標。

黛安聽公關姊妹講，今次比賽設有3公里及10公里男女子個人組、3公里親子組、3公里及10公里企業團體組等多項賽事，各比賽組別嘅得獎者，將獲頒獎杯、獎牌及豐富禮品。大會今年亦實行一系列環保措施，例如設置廚餘、塑膠、廢紙、金屬回收站，又會提供飲水機及可重用水杯借用服務、派發環保水壺及竹製餐具作紀念品等。另外，今次比賽唔會派發紀念跑衫，大會仲歡迎參賽者發揮創意，穿着綠色裝束爭奪至型着綠大獎呀。

大會為咗將環保意識帶入大家嘅日常生活，更特意籌辦賽事前哨戰「六綠任務」，挑戰者要完成指定嘅「綠色生活」任務，表現突出嘅將可贏取今次參賽名額同豐厚獎品㗎。大家可以去www.greenrun.hk瀏覽報名詳情。