推首部S系列全片幅無反 Panasonic打造完美攝影體驗

雖然智能手機影相同拍片嘅質素愈來愈勁，但唔少玩家始終鍾情專業級相機。黛安噚日去咗Panasonic嘅新相機發布會，佢哋推出首部S系列全片幅數碼單鏡無反相機LUMIX S1R及S1，影高質相或拍高清影片一流，最快本周可買到。

S系列配備全新Venus Engine影像處理器，實現高速同高精確度嘅自動對焦技術，快門速度達到1/8000秒，可準確捕捉高速移動目標，而且有六級五軸防震，提高拍攝穩定性，加上機身堅固同耐用，絕對適合大部分場地使用。當中4,730萬像素嘅S1R，喺全片幅無反相機解像度屬業界最高水平，仲首次採用高解晰度模式，自動拍攝8張連續相片，可合成輸出達1.87億像素相片，為追求極致同完美嘅用戶而設。