聖誕除夕浪漫之選 中環賞燈歡度佳節

今晚就係平安夜，佳節當前梗係要同最重要嘅人一齊開心過。黛安知道旅發局真係好貼心，今晚喺中環海濱舉行緊嘅國際燈光藝術展，同皇后像廣場聖誕樹都會延長開放時間到凌晨1點，等大家可以睇住靚靚燈飾許下佳節祝願；過幾日嘅除夕夜（31日）都有同樣安排，想浪漫跨年話都無咁易啦。

旅發局公關姊妹仲話，今晚8點半至9點半係國際燈光藝術展，仲有銅管五重奏及色士風四重奏樂隊輪流奏出多首經典聖誕歌，在場仲有3架美食車進駐；皇后像廣場聖誕樹都會有詩歌班報佳音，節日氣氛夠晒濃厚，你點可以錯過呢！