海洋公園全新夏季菜單 嘗米芝蓮級精緻美食

黛安日前應海洋公園CEO李繩宗（Matthias）同海洋公園公關姊妹Una邀請，去咗海龍王餐廳試下由陳國強師傅主理，最新推出嘅夏季嘗味晚市菜單。

Matthias話，今年首次推出春季菜單嘅時候，反應非常好，所以加推夏季系列。除咗可以喺同5,000幾條不同品種嘅魚一齊「同枱」吃飯外，仲有米芝蓮一星級總廚兼顧問陳國強師傅坐鎮主理嘅菜單；整個套餐合共有8道菜，每位收費只係$728，就食到米芝蓮級數嘅美食，而且有「三免」，包括免費入場、免費泊車、免開瓶費，認真吸引。

當晚8道菜裏面，黛安印象最深刻就係「藜麥百花海參」，餐廳全部選用環保海鮮，首先將蝦膠手打成蓉再釀入海參，非常爽口彈牙，上面鋪魚子醬同金箔，最後淋上近年火熱嘅健康食物藜麥同南瓜做醬汁，夠晒開胃！

另外，黛安聽Una講，海洋公園今年用咗3,700萬打造「動夏嘉年華」，每小時都會有表演睇，而且有150位海外表演者參加，表演包括大型加勒比巡遊、奇藝雜技、世界級韻律泳等。黛安當晚都有幸率先欣賞，氣氛非常熱鬧，充滿夏日風情，各位姊妹記得快啲去睇喇！