Eason靚聲唱出 麥當勞新廣告歌

「BA DA BA BA BA, I'm lovin' it」！麥當勞真係陪伴大家同黛安渡過好多歲月，由小學每朝最期待嘅熱香餅，到大學通宵溫書嘅咖啡，再到踏入社會工作加班時食「麥記」。今晚睇電視，發覺麥當勞又有新廣告歌，把聲依然係歌神陳奕迅（Eason）。

公關姐妹話，再次請Eason深情獻唱，仲將Elton John嘅經典名曲《Your Song》重新編曲，廣告主題喺希望喚醒大家係生活中令人回味嘅點點滴滴，無論係喜、怒、哀、樂嘅「Little Big Moments」，都同樣值得用心細味，就好似歌詞中「How wonderful life is while you're in the world」，好好珍惜同摯愛親友共渡嘅時光！首歌真係好好聽，加埋Eason把磁性嘅歌聲，完美啊！

初五起歎人氣$24餐

姐妹仲話，由年初五（20號）起，會推出3款人氣「麥麥食超值套餐」，全部都係$24！有板燒雞腿飽餐、麥樂雞餐，同日本全新大熱嘅玉子牛堡餐！識歎「麥麥食超值套餐」，梗係要歎埋全新「大大啖」組合「升呢」！只要買任何超值套餐，再加$7.5，就有加大Shake Shake薯條同全新大大杯系列，包括期間限定嘅「海鹽鮮檸梳打」！農曆新年放完假，即刻有得食！