80後設計師 × HomeSquare 推新年團圓潮物家品

農曆新年就快到，大家屋企都會放個全盒擺糖果迎接拜年嘅賓客！「全盒」滿載住甜蜜祝福同象徵合家團圓，HomeSquare就同80後平面設計師羅曉騰（Ken Lo）合作，同大家發放「合家團圓」呢個信息！

黛安知道，Ken設計咗兩款新春潮物家品擺設，包括「Welcome Home合家團圓全盒」同埋「Triple Blessings合家平安賀年掛飾」，全盒好破格咁加入咗絹布物料，設計就描繪咗鄉郊過年嘅闔家歡慶盛況，非常應節！

公關姊妹同黛安講，大家只要由現在起到今個月11號（逢星期五、六同日），喺商場消費滿指定金額，就可以免費將佢哋帶返屋企！

除咗新春潮家品之外，HomeSquare都打造咗糅合傳統美同現代風格嘅盛放桃花鯉躍門池新春裝置，好有過年氣氛，黛安都要帶埋家人一齊去打卡先！