卡樂B Corn-it 雙重奏 藍莓乳酪遇上芝士煙肉

黛安係藍莓控，公關姐妹噚日就送咗兩款，嚟緊11月初會推出嘅卡樂B Corn-it新口味畀黛安率先試食，其中一款就係藍莓乳酪味Corn-it！

藍莓、乳酪同粟米條，黛安真係第一次「夾埋」一齊食，原來會意想不到咁夾，姊妹話係用焗製方法製作，脆口得來又健康，真係好食到停唔到口，好快就畀黛安「消滅」晒。

另外一款就係聽落非常邪惡嘅芝士煙肉味Corn-it。芝士同煙肉向來都係最佳拍檔，一打開個包裝袋已經聞到好香嘅芝士味，食落去又有鹹香兼好惹味嘅煙肉味，啱晒嚟緊去野餐同朋友開心share。