麥當勞×Doraemon 粉絲必搶陶瓷套裝

有一個卡通人物，上至黛安家中嘅長輩、下至千禧後嘅小朋友都一樣咁鍾意佢，嗰個就係「冬甩個爸爸」叮噹/Doraemon喇！下個月，多啦A夢又嚟香港喇，今次佢仲會以郵差造型喺麥當勞登場，萌度爆燈，粉絲密切留意！

黛安聽公關姊妹講，由下月9號開始，只要喺麥當勞買任何食品加100蚊，就可換購限量版「Doraemon隨意送陶瓷套裝」，包括陶瓷碗、陶瓷碟、三款印有Doraemon郵差造型嘅麥當勞10蚊美食券、同埋獨家以「Doraemon Post Office」期間限定郵便局crossover麥當勞嘅隨意寄明信片各一，超抵買！

留意數量有限，售完即止呀，各位姊妹記得mark低日子去買喇。