盛智文扮人格分裂 推銷蘭桂坊新手遊

仲有一個月就係Halloween，唔少姊妹都已經物色緊「鬼馬」靚衫準備萬聖節落蘭桂坊玩番晚。舊年黛安都有去湊熱鬧，仲玩咗蘭桂坊嘅手機遊戲「MONSTER MASH」捉鬼�𠻹，都幾好玩㗎！原來今年佢哋將會重推手機遊戲，不過今次係全新版配對遊戲，玩完仲可以賺積分，贏取獎品同飲食優惠�𠻹！

黛安噚日應邀去咗蘭桂坊萬聖節手機遊戲「Monster Mash Matching Game」發布會，今年活動以雙胞胎做主題，噚日大會仲請咗好多對靚仔、靚女嘅孖生dancers大顯身手。「蘭桂坊之父」盛智文仲着住黑白色象徵人格分裂嘅主題服裝嚟主持發布會，超玩得！不過黛安都係覺得佢扮佛地魔似啲！

打機贏雙人機票

原來今年嘅手機遊戲係玩配對瓷磚，只要喺2分半鐘內盡快配對相同瓷磚，就可賺「南瓜」積分。盛智文就叫大家快啲下載嚟玩，因為遊戲會送出超過300份總值$15萬嘅獎品，包括香港快運雙人來回機票同60萬reward-U積分、華為電話、永利皇宮1晚住宿等！