行草地兼賞山系攝影魅力

山野魅力，眼見未必為實，有圖才有真相﹗80後山系攝影師KLAS.N呢排就搞緊個攝影展，唔止影出夜媽媽露營時的魅力，仲特登喺戶外草地搞展覽添，開創全港先河！最大的作品幅面有成3米咁大，視覺上夠晒衝擊力。

KLAS.N就話，自己一向好鍾意大自然，露營嗰時有更多時間同自然環境相處，尤其夜晚寧靜的山野令人精神更易集中，漆黑的環境可令人思緒更沉澱，影出嚟的相特別有風味。

講番個展覽，嚟緊星期五（6日）到8日會喺元朗錦田大江埔活機園有機農場CASA LOHAS裏面舉行，完全免費，朝早10點到5點去，啱晒山系男女睇完再係附近影夜相啦﹗