加全脂奶煮麥片 餐餐食反致肥

很多人以減肥為「終身事業」，不惜節食、做運動，甚至餐餐食麥片。營養師指，麥片的確含豐富水溶性纖維，能降低膽固醇及預防心血管疾病，惟煮食時加入煉奶、糖或全脂奶等調味，如日日食反而會因攝取過量脂肪及熱量而「增肥」。

香港營養學會會長蕭沛霖指，麥片有豐富碳水化合物、鈣質、鎂質及水溶性纖維，其中水溶性纖維會吸走膽汁，從而帶走膽固醇，減少患心血管疾病風險及穩定血糖，降低出現糖尿病的機會。但不少人視麥片為減肥「恩物」，誤以為日日食，就會日日瘦，故日以繼夜與麥片作伴。

恐缺蛋白質

吃麥片能否減肥？營養師吳瀟娜稱，要視乎進食的方法，「在街外食麥片，難以避免會加入花奶、全脂奶、糖份，飽和脂肪量一定大大提升」。若天天在街外餐廳吃麥片，身體會長期缺乏蛋白質，令肌肉流失。

亞麻籽粉調味減甜

想食得健康，自己DIY麥片時，應以低脂奶、脫脂奶或亞麻籽粉代替糖份，亦可保護心臟健康。

拆解麥片謬誤

Q：三餐均食麥片可減肥？

A：麥片屬於五穀類，本身含有熱量，令人容易有飽肚感，若加入煉奶或高營養奶品，麥片便變得高脂及高卡路里，若一天3餐都食，反會增加體重，並非減肥恩物。

Q：即食、快熟麥片煮法一樣？

A：即食麥片較薄，水份含量低，因此加入滾水後可即時食用，毋須再烹煮。快熟麥片較厚，故需煮3至5分鐘才可食用。

Q：燕麥飲品一定是高纖？

A：應留意營養標籤及成分表的內容，如每100克固體食物中，需含6克或以上纖維才算「高纖」。

記者：李盛芝