3D食物打印機 Print出「真‧曲奇」

3D打印愈來愈普及，智能硬件創新創業平台「硬蛋」，早前喺數碼港開咗個體驗館，添置咗全港首部3D食物打印機，只要將食材放入部打印機，就可根據設定好既食譜print出食物原型，好似曲奇、班戟咁，之後直接拎去焗爐焗就搞掂，真係好神奇，最重要係免費㗎！體驗館上星期舉辦親子workshop，一班家長同小朋友有份試食同製作，個個都覺得好有趣，話食落同一般曲奇無乜分別，只係口感硬咗少少。

為咗令大家一齊發揮創意，「硬蛋」依家公開收集3D設計圖，一經挑選，就有專人聯絡安排製作打印出屬於你的美食。有興趣既可將設計圖電郵至enquiry.hk@cogobuy.com，格式要求為stl檔案。