郭基煇過溫馨聖誕 全家賞北極光

黛安噚日同新地高層飯局，見到新地執董郭基煇，見佢心情大好，原來佢同爸爸—新地前聯席主席郭炳江及一家人在上月到外地歡度聖誕。今次係郭氏捲入前政務司司長許仕仁貪污案後，首次一家人聚首過聖誕，郭基煇仲同爸爸一齊欣賞北極光，大家都非常盡興。

郭基煇仲話，過去2年都唔能夠同爸爸共度佳節，每逢12月頭爸爸就會叮嚀佢哋要趁佳節去旅行，所以今次就特別把握機會，同爸爸一齊飲住朱古力傾偈，既溫暖又溫馨。