愉景新城變身兒童樂園

行商場大人就shopping，細路仔都可以有自己一片天地？D.PARK愉景新城以「全球首個多元智能兒童購物樂園」做主題，請咗來自丹麥、國際著名兒童遊樂場設計團隊Monstrum打造鯨魚花園。呢條全木製藍鯨長達15米，除咗推廣綠色生態平衡，亦都希望小朋友發揮想像力同運動能力，例如徒手攀上鯨魚頂等。點解商場有空間擺呢條鯨魚？新世界集團執行副主席兼聯席總經理鄭志剛話，2012年革新工程開始，品牌理念係The Artisanal Movement，希望將親子元素帶到顧客日常生活。