豐澤獨家禮品 MR. MEN × LITTLE MISS

好多人買電器前都會格價，除咗價錢，大家仲會留意有咩精品，咁先算精明消費者㗎嘛！收到公關姊妹推介，豐澤獨家推出咗MR. MEN x LITTLE MISS系列精品，望到Mr Happy等得意角色，心情真係零舍愉快。

睇睇張相，呢個角色未見過嘅？原來係新登場嘅MR. FORTRESS！姊妹話，即日開始到7月28日，去豐澤買指定產品滿500蚊或以上，有機會得到「MR. MEN x LITTLE MISS x MR. FORTRESS」精美禮品。有邊幾款精品先？買滿500蚊可以揀散紙包、筆袋套裝等；買滿3,001至6,000蚊可以揀咖啡杯、化粧鏡；買滿6,001蚊或以上就有得揀浴室套裝、冰水壺或者浴簾。款款都好得意，真係要去門市睇真啲先得！姊妹仲溫馨提示，部分指定產品要去特定分店先搵到，買之前記得問下店員啦。