Asia Miles會員分享儲里數Tips

「定期上網check飛行里數增長咗幾多，感覺好似睇紅簿仔」，呢句可能係唔少亞洲萬里通（Asia Miles）粉絲心聲，教小學嘅何浩元（Stanley）可以話係忠實粉絲，儲里數儲咗近10年，「平日唔使好刻意為咗里數消費，但時不時留意會員email，睇下近期有無啱嘅推廣。累積得最快通常係旅遊，機票、酒店、外地使費等碌卡之餘，遇到啱嘅推廣例如租車，橫掂都要book透過網站預訂就賺雙倍里數。」

呢個定時check下會員推廣嘅習慣，儲里數儲得快啲，Stanley之前仲用里數參加品牌大抽獎，贏咗100萬里數！八卦想知佢會點用呢份獎品，佢就甜絲絲咁話，下年係佢同太太25周年結婚紀念，「之前頭痛緊點慶祝，時來運到有多100萬里數，可以計劃定下年嘅行程，好似復活節去馬爾代夫。」Stanley仲分享咗運用里數小貼士，好似相對泰國要2,000里數，3,000里數換北海道最抵。