又一城戲院華麗登場

又一城戲院裝修完！噚日洲立影藝GM黃寶珠（June）帶領下，率先體驗Festival Grand究竟有幾grand，門口開始設計走華麗路綫，感覺似百老匯劇場。June話，希望觀眾去到就感受「嚟睇戲係件盛事」。講起設計，原來唔少MCL戲院出自則樓AGC，公司董事曾偉賢（Michael）話，戲院設計計晒數，「影廳內熒幕闊度、座位數目、每行斜度唔似以前差異性咁大，坐左、中、右位置睇戲都咁好睇」。

June特別介紹MCL同東亞銀行合作「BEA House 1」同「BEA Festival Suite」，分別係有341個位嘅最大影廳一號院同只有18個豪華位嘅貴賓影廳。一號院特別在有360度全景音效嘅杜Dolby Atmos系統、4K數碼電影投影系統等，無論視覺定聽覺都有最好享受，而票價都算幾親民，2D同3D分別係105蚊同135蚊，相比2至7院各貴咗10蚊。噚日短短地睇咗幾段宣傳片，發現全景音效真係幾震撼，絕對值回票價！