Délifrance環保麵包袋 有型兼可重用

買三文治成日會諗，慳埋張包裝紙就好啦。Délifrance公關姊妹話有辦法，皆因佢哋最近同西班牙品牌「Roll'eat」合作，推出一款「環保麵包袋」（Eco Sandwich Wrap），無論法式三文治定漢堡包都包得「靚靚仔仔」，為源頭減廢盡一分力。

姊妹話，麵包袋同食物直接接觸，質地好重要，「個wrap係雙面布料設計，入面嗰層膠膜防水、防油同防污，有埋證書，不含有害物質雙酚A（BPA）�𠻹，洗完吹乾就可以循環再用，好方便」。唔止環保，個設計都唔錯，用法式情懷做主題，等大家型住帶走個外賣。

聽講，下星期一開始Délifrance La Carte尊貴會藉新會員入會再增值$900，可以免費得到一個，而現有會員增$900都有一個麵包袋兼儲埋900分積分。