花旗高層化身貴族 盛裝現馬場

Banker通常以西裝、套裝裙亮相，所以當黛安見到幾位花旗管理層以不一樣造型現身：男的戴上高禮帽，女的以花裙配襯喱士羽毛貴族帽，感覺眼前一亮。

悉心打扮皆因前日係「花旗銀行香港金盃」賽馬日的大日子，活動以「華麗莊園派對」做主題，入場賓客個個扮到好似貴族咁雍容華貴。

當日花旗仲邀請咗歌手謝安琪做嘉賓，黛安仲知道，花旗集團香港及澳門區行長盧韋柏都有同女神打卡合照！