恒隆義工隊破紀錄

收到恒隆姊妹信息，恒隆地產1,500多位同事組成嘅「恒隆一心義工隊」最近又破紀錄！好似係山頂廣場任職高級賓客服務專員嘅郭建民，平時返通宵更，但加入恒隆短短一年半，已經有174小時服務時數，佢仲話，「做義工幫到人，自己又學到新知識，『瞓』少幾個鐘都抵！」義工隊咁有heart，公司就趁住義工嘉許禮鼓勵大家，恒隆集團傳訊助理董事關則輝負責頒獎，仲話今年主題係「Better Me，Better Society」，要舉辦人人得益嘅活動，繼續發放正能量。