百事藍牌送驚喜

兩位送貨司機收到柯打，將幾箱貨送去一個球場，到達目的地之後，一個人都無，悶悶地嘅佢哋見到草地有個足球，於是乎諗住「踢住等」。呢個時候，三位着住藍色球衣嘅球員行出嚟，兩位司機即刻呆一呆。原來呢三位球員唔係普通人，而係啱啱加盟百事足球隊嘅國際超級球星，包括皇家馬德里嘅洛迪古斯。

洛迪古斯向兩位司機舉出一張藍牌，原來係邀請佢哋一齊踢番場友誼波。百事可樂全球品牌管理部門高級副總裁Carla Hassan話，推出百事藍牌係要打破常規，為球迷帶來意想不到樂趣，佢仲話：「傳統紅牌或黃牌意味球員被罰離場，百事藍牌就代表即將出現意外驚喜，可以話係標誌住品牌今年完美開場。」另外，百事早前公布咗，2016年全明星足球隊球員名單，繼續由國際超級球星組成，喺全球宣傳足球，話要點燃足球迷熱情。