沈祖堯做勞力士大獎評審

今年四月中大校長沈祖堯會遠赴日內瓦，有任務！原來係擔任兩年一次嘅勞力士大獎評審團，同埋另外11位評審，齊齊喺144個國家2,322名申請者入面，揀五名雄才偉略大獎同五名青年雄才獎得主，分別有十萬同五萬瑞士法郎獎金。評審團由知名科學家、環保人士等組成，想過佢哋嗰關，要睇計劃可行性、創意、對人類和環境的持續影響進行評估，最重要係能否展現創建精神。好似2014年輕年得獎者Arthur Zang，得獎項目係發明非洲首個醫療平板裝置「Cardiopad」，令醫療人員可透過手機網絡將心臟測試結果由農村直接傳畀心臟專家。